४ साउन २०८१, शुक्रवार

19th, July 2024, Friday

Aaawajonline.com

एमाले प्रतिपक्षमा बस्ने विषयमा संसद् सचिवालयमा जानकारी

२१ असार २०८१, शुक्रवार आवाज संवाददाता
आवाज संवाददाता

२१ असार २०८१, शुक्रवार

काठमाडौं । नेकपा एमालेले संघीय संसद सचिवालयलाई सरकारलाई दिएको समर्थन फिर्ता लिएको जानकारी गराएको छ ।

 

आज एमाले प्रमुख सचेतक महेश कुमार बर्तौलाले सरकारलाई दिएको समर्थन गत असार १९ गते फिर्ता गरिएको संसद सचिवालयलाई जानकारी गराउँदै एमाले अब संसदमा प्रतिपक्षमा बस्ने बताएका छन् ।

 

सचिवालयलाई दिएको पत्रमा बर्तौलाले भनेका छन्, ‘सम्माननीय प्रधानमन्त्रीको नेतृत्वमा गठित वर्तमान सरकारलाई नेकपा एमालेको तर्फबाट मत दिई सरकारमा सहभागी भएकोमा राष्ट्रिय सहमतिको सरकार गठन गरी राजनैतिक स्थायित्व प्रदान गर्ने उद्देश्यले नयाँ सरकार गठनको पहल गरिएको परिप्रेक्ष्यमा सरकारलाई दिँदै आएको समर्थन मिति २०८१ असार १९ गते फिर्ता गरिएको छ । सोको जानकारी सम्माननीय प्रधानमन्त्री पुष्पकमल दाहाललाई समेत गराइसकिएको हुँदा हाम्रो दल नेकपा एमाले संसदमा प्रतिपक्षमा रहने व्यहोरा जानकारी गराइन्छ ।’

 

असार २३ गते बोलाइएको प्रतिनिधिसभा बैठकमा एमाले प्रतिपक्षी दलको बेन्चमा बस्ने भएको हो ।

सम्बन्धित समाचार

East West Fast Food